Lyfjabókin

Zomig Rapimelt

Zomig Rapimelt er mígrenilyf. Verkirnir sem fylgja mígreni eru taldir stafa af víkkun slagæða í höfði. Zolmítriptan, virka efnið í lyfinu, hefur sérhæfð áhrif á þessar æðar og veldur því að þær dragast saman. Lyfið er notað við mígreniköstum, með eða án fyrirboða. Hins vegar á ekki að nota það sem fyrirbyggjandi meðferð við mígreni. Lyfið skal aðeins nota þegar greining á mígreni hefur verið staðfest og aðrir hugsanlega alvarlegir sjúkdómar útilokaðir.

Munnlausnartöflur til inntöku.

Ráðlagður dagskammtur er 2,5 mg, sem skal taka við fyrstu einkenni um verk. Taka má annan skammt ef einkenni koma aftur fram innan 24ra klst. en þó ekki innan 2ja klst. frá upphafsskammti. Heildarskammtur yfir daginn má ekki vera stærri en 10 mg og ekki skal taka lyfið oftar en 2svar á sólarhring. Töflurnar leysast upp á tungunni og þeim er kyngt með munnvatni.

Áhrif fást innan 1 klst.

Hámarks áhrif fást eftir 1 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Lyfið er aðeins tekið við mígreniverkjum, ekki að staðaldri.

Lyfið er aðeins tekið á meðan mígreniverkur er að ganga yfir.

Stakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða vart verður við óvenjuleg einkenni skal strax hafa samband við lækni.

Zolmítriptan er ekki notað að staðaldri heldur aðeins til þess að slá á mígreniköst.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.