Lyfjabókin

Zineryt

Zineryt inniheldur virku efnin erýtrómýcín og zink. Erýtrómýcín er allbreiðvirkt sýklalyf. Það tilheyrir flokki sýklalyfja sem kallast makrólíðar en þau hindra vöxt baktería með því að stöðva próteinframleiðslu þeirra. Zink eykur verkun erýtrómýcíns. Zineryt er notað útvortis við þrymlabólum.

Útvortis áburður.

Borið á sýkta húð í þunnu lagi 2svar á dag.

Misjafnt eftir því hvar sýkingin er og hversu næmir sýklarnir eru fyrir lyfinu.

Misjafn eftir því hversu næmir sýklarnir eru fyrir lyfinu.

Engin.

Geymist í lokuðum umbúðum við stofuhita þar sem börn hvorki ná til né sjá. Fullbúin lausn geymist í 5 vikur.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Notaðu lyfið eins lengi og læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur upp og bakteríur myndi ónæmi fyrir lyfinu.

Stakir skammtar sem eru litlu stærri en venjulega ættu ekki að skapa vanda. Ef notaðir eru mjög stórir skammtar eða ef vart verður við einhver óvenjuleg einkenni skal hafa samband við lækni.

Erýtrómýcín er almennt ekki notað nema til skamms tíma. Æskileg meðferðarlengd er 10-12 vikur í senn.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.