Lyfjabókin

Voltaren Dolo

Voltaren Dolo er bólgueyðandi lyf með verkjastillandi og hitalækkandi verkun. Virka efnið díklófenak dregur úr myndun prostaglandínefna í líkamanum, en þau stuðla m.a. að bólgumyndun. Lyfið er notað við ýmsum gigtsjúkdómum, verkjum og bólgum af ýmsum toga, m.a. eftir slys og aðgerðir, tíðaverkjum og bakverkjum. Notkun þess við gigtsjúkdómum kallar oft á langtímameðferð en bólgueyðandi og verkjastillandi meðferð með díklófenaki er oftast skammtímameðferð.

Töflur til inntöku.

Fullorðnir og börn eldri en 14 ára: 25-75 mg á dag. Töflurnar gleypist heilar með vatnsglasi fyrir máltíð.

Innan við 1-2 klst.

Allt að 12 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Lyfið er notað við tilfallandi verkjum.

Hætta má töku lyfsins þegar ekki gerist lengur þörf fyrir það.

Stakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skaltu hafa samband við lækni.

Lyfið er almennt ekki ætlað til langtímanotkunar. Við langtímanotkun er æskilegt er að fara reglulega í eftirlit til læknis til að meta áhrif lyfsins á lifur, nýru, blóðhag og maga.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.