Lyfjabókin

Viskén

Viskén tilheyrir flokki lyfja sem kallast beta-blokkarar. Lyf í honum hindra áhrif boðefnanna adrenalíns og noradrenalíns á ýmis líffæri, s.s. hjarta og æðar. Beta-blokkarar skiptast í undirflokka eftir eiginleikum sínum, t.d. hvort þeir hafi sérhæfð áhrif á hjarta eða komist í miðtaugakerfið eða ekki. Virka efnið pindólól hefur sjálft að hluta til örvandi áhrif á sama hátt og boðefnin adrenalín og noradrenalín. Þessi eiginleiki veldur því að lyfið dregur lítið úr hjartsláttarhraða og blóðþrýstingi í hvíld, en við áreynslu hefur það sambærileg áhrif og aðrir beta-blokkarar. Lyfið hefur ekki sérhæfð áhrif á hjartavöðva. Viskén er notað við háþrýstingi, hjartaöng og hjartsláttartruflunum. Pindólól stuðlar að samdrætti lungnaberkja og þar með þrengingu loftvega. Lyfið er því ekki notað fyrir sjúklinga með öndunarfærasjúkdóma á borð við astma, berkjubólgu eða lungnaþembu. Eins og aðrir beta-blokkarar hefur pindólól áhrif á stjórnun blóðsykurs og gæta þarf varúðar sé lyfið gefið sykursjúkum.

Töflur til inntöku.

Fullorðnir: 10-20 mg á dag. Börn 0-6 ára: 0,1 mg á hvert kg líkamsþyngdar á dag. Börn 6-14 ára: 20-40 míkrógrömm á hvert kg líkamsþyngdar í senn 3-4 sinnum á dag.

Nokkrar klst.

Allt að 24 klst. eftir stakan skammt.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu skammtinn um leið og þú manst eftir honum. Ef færri en 4 klst. eru til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Sjúkdómur getur versnað þegar töku lyfsins er hætt. Ekki hætta töku lyfsins nema í samráði við lækni.

Hafðu samband við lækni í öllum tilfellum. Ef vart verður við öndunarerfiðleika eða skerta meðvitund skal leita neyðarhjálpar þegar í stað.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.