Lyfjabókin

Vancocin

Vankómýcín er sýklalyf sem hefur frekar þröngt verkunarsvið, en það er einungis virkt gegn sumum bakteríusýkingum og þá einna helst sýkingum af völdum gram jákvæðra baktería. Vankómýcín tilheyrir flokki sýklalyfja sem kallast glýkópeptíð. Lyf í honum drepa bakteríur með því að hafa áhrif á myndun frumuveggs bakteríanna. Vankómýcín frásogast nær ekkert frá meltingarvegi og er því bara notað til staðbundinnar meðferðar á sýkingum í meltingarvegi, eða þar sem hættuminni lyf koma ekki að gagni.

Hylki til inntöku.

Fullorðnir: 500 mg í senn 4-6 sinnum á dag í 7-10 daga. Börn: 50 mg á hvert kg líkamsþyngdar á dag í 4-6 skömmtum í 7-10 daga. Hylkin gleypist heil.

Misjafnt eftir því hvar sýkingin er og hversu næmir sýklarnir eru fyrir lyfinu.

Misjafn eftir því hversu næmir sýklarnir eru fyrir lyfinu.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Taktu síðan það sem eftir er af dagskammtinum með reglulegu millibili það sem eftir er dags. Ekki taka tvo skammta í einu.

Taktu lyfið eins lengi og læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta því að sýkingin nái sér aftur á strik og að bakteríur myndi ónæmi fyrir lyfinu.

Stakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.

Vankómýcín er aðeins notað í skamman tíma í senn.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.