Lyfjabókin

Tússól

Tússól er slímlosandi hóstamixtúra. Lyfið inniheldur tvö virk efni, gvaífenesín og ammóníumklóríð, auk lakkrísrótar. Gvaífenesín þynnir slím og auðveldar að því sé hóstað upp. Við þetta minnkar erting í öndunarfærum og þar með hósti. Ammóníumklóríð hefur einnig slímlosandi áhrif. Lakkrísrót er hóstastillandi og hún örvar líka slímseyti í barkanum sem aftur stuðlar að losun límkennds kvefslíms og auðveldara verður að hósta því upp. Saman stuðla þessi þrjú efni að auknum hóstastillandi og slímlosandi áhrifum.

Mixtúra til inntöku.

Fullorðnir: 10 ml í senn 3svar á dag. Börn 1-12 ára: 2,5-5 ml í senn 3svar á dag. Börn á fyrsta ári: 1,25-2,5 ml í senn 3svar á dag. Hver ml inniheldur 5,5 mg gvaífenesín.

30-60 mín.

Um 8 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Lyfið er ekki tekið reglulega heldur eftir þörfum, mest 3svar á dag.

Hætta má töku lyfsins þegar einkenni eru ekki til staðar lengur.

Stakir skammtar sem eru litlu stærri en venjulega ættu ekki að skapa vanda. Ef mjög stórir skammtar eru teknir eða ef vart verður við einhver óvenjuleg einkenni skal hafa samband við lækni.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.