Lyfjabókin

Sotalol Mylan

Sótalól tilheyrir flokki lyfja sem kallast beta-blokkarar. Lyf í honum hindra áhrif boðefnanna adrenalíns og noradrenalíns á ýmis líffæri, s.s. hjarta og æðar. Beta-blokkarar skiptast í undirflokka eftir eiginleikum sínum, t.d. hvort þeir hafi sérhæfð áhrif á hjarta eða komist í miðtaugakerfið eða ekki. Sótalól hefur ekki sérhæfð áhrif á hjartavöðva. Þetta er ástæða fyrir mörgum aukaverkunum þess þegar það er notað við of háum blóðþrýstingi eða hjartsláttaróreglu. Sótalól hefur meiri áhrif á hjartsláttartruflanir en aðrir beta-blokkarar og það er notað við margs konar hjartsláttartruflunum. Sótalól stuðlar að samdrætti lungnaberkja og þar með þrengingu loftvega. Lyfið er því sjaldan notað fyrir sjúklinga með öndunarfærasjúkdóma á borð við astma, berkjubólgu eða lungnaþembu. Eins og aðrir beta-blokkarar hefur sótalól áhrif á stjórnun blóðsykurs og því þarf að gæta varúðar sé lyfið gefið sykursjúkum.

Töflur til inntöku.

80-320 mg á dag. Töflurnar gleypist með vatnsglasi.

Áhrif á hjartsláttarhraða: 2-3 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Sjúkdómur getur versnað þegar töku lyfsins er hætt. Ekki hætta töku lyfsins nema í samráði við lækni.

Hafðu samband við lækni í öllum tilfellum. Ef vart verður við öndunarerfiðleika eða skerta meðvitund skal leita neyðarhjálpar þegar í stað.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.