Lyfjabókin

Selegilin Mylan

Selegilín er notað eitt sér eða ásamt levódópa (sjá Madopar og Sinemet) við parkinsonsveiki í tilfellum þegar illa gengur að stjórna sveiflum á sjúkdómseinkennum með levódópa einu sér. Parkinsonsveiki orsakast af hrörnun taugafrumna, en lík sjúkdómseinkenni geta komið fram eftir heilaskaða, við truflun á blóðflæði í heila, eða sem aukaverkanir lyfja. Sjúkdómseinkennin stafa af ójafnvægi milli taugaboðefnanna asetýlkólíns og dópamíns í heila, þaðan sem samhæfingu hreyfinga er stjórnað. Magn dópamíns minnkar en vægi asetýlkólíns verður þá hlutfallslega of mikið. Í parkinsonsveiki er þetta vegna hrörnunar taugafrumnanna sem framleiða dópamín. Selegilín hindrar niðurbrot dópamíns og veldur þar með aukningu á magni þess í heila. Selegilín eykur áhrif levódópa, og oftast reynist þörf á því að minnka skammta af levódópa þegar selegilíni er bætt við í meðferðina.

Töflur til inntöku.

5-10 mg á dag í 1-2 skömmtum.

Áhrif á einkenni parkinsonsveiki: 1 klst.

Áhrif á einkenni parkinsonsveiki vara í 1-3 daga.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Ekki hætta töku lyfsins nema í samráði við lækni. Einkenni geta versnað þegar töku lyfsins er hætt.

Of stórir skammtar valda frekar aukaverkunum. Mjög stórir skammtar geta valdið hröðum hjartslætti, blóðþrýstingshækkun, ógleði, uppköstum og öndunarerfiðleikum. Hafið samband við lækni strax ef þessi einkenni koma fram.

Selegilín getur lengt þann tíma sem hægt er að nota levódópa við parkinsonsveiki. Sjá levódópa (lyfin Madopar og Sinemet).

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.