Lyfjabókin

Pulmozyme

Pulmozyme er lyf sem bætir lungnastarfsemi þeirra sem þjást af Cystic Fibrosis (CF), en hann er meðfæddur arfgengur slímseigjusjúkdómur. Mismunandi er hvenær fyrstu einkenni CF koma í ljós. Sjúkdómseinkenni stafa af því að útkirtlar, m.a. svitakirtlar, slímkirtlar öndunarfæranna og briskirtillinn sem framleiðir meltingarhvata, starfa ekki eðlilega. Dornase alfa inniheldur ákveðið prótein sem klýfur utanfrumu DNA en í slímuppgangi er mikið magn af utanfrumu DNA. Dornase alfa minnkar þannig verulega seigjustig slímuppgangs við slímseigjusjúkdómi.

Innúðalyf.

2,5 mg (2.500 einingar) í senn 1-2svar á dag af óþynntu lyfi til innöndunar.

Innan við 15 mín.

Um 18-24 klst.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá og varið sterku ljósi.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Þegar meðferð var rofin sýndu rannsóknir að bætt lungnastarfsemi hverfur fljótt sé lyfjagjöf hætt. Ekki hætta notkun lyfsins nema í samráði við lækni.

Stakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við óvenjuleg einkenni skal hafa samband við lækni.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.