Lyfjabókin

Pektólín

Pektólín er hóstastillandi lyf. Lyfið inniheldur tvö virk efni, dífenhýdramín og ammóníumklóríð. Dífenhýdramín er svokallað andhistamínlyf sem hefur hóstastillandi og róandi áhrif. Ammóníumklóríð hefur slímlosandi áhrif.

Mixtúra til inntöku.

Fullorðnir: 5-10 ml í senn 3-5 sinnum á dag. Börn 6-12 ára: 5 ml í senn 3-5 sinnum á dag. Börn 1-5 ára: 2½ ml í senn 3-5 sinnum á dag. Hver ml inniheldur 3 mg dífenhýdramín.

15-60 mín.

Um 4 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Lyfið er ekki tekið reglulega, heldur eftir þörfum, mest 3-5 sinnum á dag.

Hætta má töku lyfsins þegar einkenni eru ekki lengur til staðar.

Stakir skammtar sem eru litlu stærri en venjulega ættu ekki að skapa vanda. Ef mjög stórir skammtar eru teknir eða ef vart verður við einhver óvenjuleg einkenni skal hafa samband við lækni.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.