Lyfjabókin

Panocod (afskráð júl. 2011)

Panocod inniheldur tvö virk efni, paracetamól og kódein. Paracetamól hefur verkjastillandi og hitalækkandi verkun. Verkjastillandi verkun þess byggist á áhrifum á heilann og á þá vefi þar sem verkurinn á upptök sín. Paracetamól ertir ekki magaslímhúð og hentar því þeim sem hafa fengið magasár eða eru viðkvæmir í maga. Kódein hefur einnig verkjastillandi áhrif. Það er skylt morfíni en hefur nokkuð veikari áhrif. Kódein breytist að hluta til í morfín í líkamanum og er það talið skýra verkjastillandi áhrif þess. Auk þess hefur kódein nokkra hóstastillandi verkun. Lyfið er notað við verkjum eins og höfuðverk, tíðaverk og tannpínu.

Töflur og freyðitöflur til inntöku.

1-2 töflur í senn 1-4 sinnum á dag. Hver tafla inniheldur 500 mg paracetamól og 30 mg kódein. Freyðitöflurnar leysist upp í ½ glasi af vatni.

30-60 mín.

Verkjastillandi áhrif: 4-6 klst. Hitalækkandi áhrif: Um 8 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu skammtinn sem fyrst ef þörf er á, annars má sleppa skammtinum og halda töku lyfsins áfram þegar þörf krefur. Ekki taka tvo skammta í einu.

Hætta má töku lyfsins þegar ekki er lengur þörf fyrir það.

Stakir skammtar sem eru litlu stærri en venjulega ættu ekki að skapa vanda. Mjög stórir skammtar geta valdið lifrarskemmdum, en einkenni eitrunar koma oft ekki fram fyrr en eftir nokkra daga. Hafðu því alltaf samband við lækni ef mjög stórir skammtar eru teknir, jafnvel þótt engra einkenna verði vart.

Langvarandi notkun lyfsins getur valdið nýrna- og lifrarskemmdum. Kódein getur auk þess valdið ávana og fíkn, sérstaklega ef teknir eru stórir skammtar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.