Lyfjabókin

Optinate

Optinate er notað við beinþynningu eftir tíðahvörf, til að draga úr hættu á brotum í hrygg og mjöðm og til að viðhalda eða auka beinmassa eftir tíðahvörf hjá konum í langvarandi sterameðferð. Þá er lyfið gefið í meðferð við Pagets sjúkdómi. Virka efnið rísedrónat er pýridinýl bífosfónat, virkni þess er fólgin í því að rísedrónat binst hýdroxýapatíti í beinum og hindrar endurfrásog úr beinum af völdum beinæta (osteoclasts). Umsetning beina minnkar á meðan virkni beinkímafrumna (osteoblasta) og útfelling steinefna í beinum skerðist. Rísedrónat vinnur á beinætum og endurfrásogi úr beinum af miklum krafti. Það eykur beinmassa og líftæknilegan styrkleika stoðgrindar, eða allt eftir magni þess sem er gefið.

Töflur til inntöku.

Við beinþynningu: 5 mg á dag. Við Pagets sjúkdómi: 30 mg daglega í 2 mánuði. Töflurnar takist í uppréttri stöðu a.m.k. ½ klst. áður en fyrstu máltíðar eða drykkjar dagsins er neytt eða önnur lyf eru tekin. Töflurnar gleypist heilar með fullu glasi af venjulegu vatni. Má hvorki sjúga þær né tyggja. Ekki má leggjast út af næstu 30 mín. eftir inntöku.

Ekki að fullu þekkt.

U.þ.b. 24 klst.

Nauðsynlegt er að neyta kalkríkrar fæðu og D-vítamíns.

Geymist í lokuðum umbúðum við stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.

Taktu lyfið um leið og þú manst eftir því, en a.m.k. 2 klst. eftir máltíð. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Sjúkdómurinn getur versnað þegar töku lyfsins er hætt. Ekki hætta töku lyfsins nema í samráði við lækni.

Stakir skammtar sem eru litlu stærri en venjulega ættu ekki að skapa vanda. Ef teknir eru of stórir skammtar eða ef vart verður við einhver óvenjuleg einkenni skaltu hafa samband við lækni. Einnig skalt þú drekka mjólk eða taka inn sýrubindandi lyf til að draga úr líkum á því að einkenni komi fram.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.