Lyfjabókin

Neotigason

Neotigason er húðlyf til inntöku og notað til að meðhöndla psoríasis á mjög háu stigi þegar önnur lyfjameðferð hefur verið fullreynd en án árangurs. Lyfið er líka gefið við öðrum alvarlegum húðsjúkdómum sem trufla keratínmyndun húðar. Acitretín, virka efnið í Neotigason, tilheyrir flokki retínóíða og er efnafræðilega skylt A-vítamíni. Acitretín vinnur á móti myndun hornhúðar í húð svo og fleiri þáttum í starfsemi húðfrumna. Verkunarmáti lyfsins er ekki þekktur í smáatriðum. Bætandi áhrif lyfsins koma fram eftir nokkurra vikna notkun og einkenni sjúkdómsins koma ekki alltaf aftur í ljós þegar töku lyfsins lýkur.

Hylki til inntöku.

25-50 mg á dag skipt í 1-3 skammta. Hylkin gleypist með mjólk eða mat.

Eftir nokkurra vikna notkun, eða eftir ástandi sjúklings.

Misjafn eftir ástandi sjúklings.

Lyfið skal taka með mat eða mjólk.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Taktu lyfið svo lengi sem læknir segir fyrir um. Einkenni sjúkdómsins geta aftur komið fram þegar töku lyfsins er hætt.

Stakir skammtar sem eru litlu stærri en venjulega ættu ekki að skapa vanda. Ef barn tekur lyfið eða ef vart verður við einhver óvenjuleg einkenni skal hafa samband við lækni.

Lyfið er ekki ætlað til langtímanotkunar. Æskilegt er að fylgjast reglulega með lifrarstarfsemi og blóðfitu á meðan lyfið er notað.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.