Lyfjabókin

Mindiab

Mindiab inniheldur virka efnið glípízíð og er notað við sykursýki. Sykursýki stafar af skorti á insúlíni (tegund I, insúlínháð sykursýki) eða minnkuðum áhrifum þess (tegund II, insúlínóháð sykursýki). Insúlín er hormón sem myndast í briskirtli og er nauðsynlegt til þess að sykur í blóði komist inn í frumur þar sem hann nýtist sem orkugjafi. Verkunarmáti glípízíðs er að auka framleiðslu insúlíns í briskirtli og hugsanlega einnig að auka áhrif insúlíns á vefi líkamans. Það hefur áhrif á sykursýki af tegund II, en ekki á insúlínháða sykursýki. Glípízíð er aðeins notað ef breytt mataræði hefur ekki haft áhrif á gang sjúkdómsins. Alvarlegar aukaverkanir af völdum glípízíðs eru sjaldgæfar. Helsti galli þess er sá að í stórum skömmtum getur það valdið of mikilli lækkun á blóðsykri, sem leiðir til alvarlegs ástands. Óreglulegar máltíðir, mikil áreynsla og neysla áfengis auka hættuna á þessu.

Töflur til inntöku.

2,5-15 mg á dag. Takist með fyrstu máltíð dagsins.

30 mín.

24 klst. eftir stakan skammt.

Breytt mataræði og minnkuð sykurneysla er hluti af meðferð.

Geymist í lokuðum umbúðum við stofuhita þar sem börn hvorki ná til né sjá.

Taktu skammtinn fyrir næstu máltíð nema að þá sé kominn tími á næsta skammt. Ef þú átt að taka annan skammt fyrir næstu máltíð skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Sykursýki getur versnað þegar töku lyfsins er hætt. Ekki hætta töku lyfsins nema í samráði við lækni.

Hafðu strax samband við lækni. Einkenni um lágan blóðsykur eru aukin svitamyndun, hungurtilfinning, hraður hjartsláttur, sjóntruflanir, sljóleiki, rugl, höfuðverkur, kuldatilfinning eða uppköst. Fylgdu fyrirmælum læknis um viðbrögð við of lágum blóðsykri. Ef sjúklingur missir meðvitund skal leita neyðarhjálpar þegar í stað.

Engin sérstök vandamál. Vegna sykursýkinnar er þó æskilegt að fylgjast reglulega með sykri í blóði eða þvagi. Einnig getur þurft að fylgjast með sjón og lifrar-, nýrna- og hjartastarfsemi.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.