Lyfjabókin

Miacalcic Nasal

Miacalcic Nasal er notað við Pagets sjúkdómi. Pagets sjúkdómur er sjaldgæfur sjúkdómur sem leggst á bein líkamans. Endurnýjun beinanna verður ekki sem skyldi, þau afmyndast og verða brothætt. Orsök sjúkdómsins er ókunn. Kalsítónín, virka efni lyfsins, er líka notað í meðferð við beinþynningu hjá konum með samfallsbrot í hrygg eftir tíðahvörf. Sjúklingar þurfa nauðsynlega að fá uppbót af kalki og D-vítamíni. Kalsítónín er líka notað við háu kalsíumgildi í blóði af ýmsum orsökum. Það bælir virkni beinæta og dregur þannig úr umbroti beinvefja þegar um er að ræða aukna beinupptöku, svo sem við beinþynningu. Kalsítónín hefur verkjastillandi áhrif.

Nefúði.

Einn úðaskammtur (200 a.e.) einu sinni á dag.

Innan við 1 klst.

Ekki að fullu þekktur.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá. Eftir að umbúðir hafa verið rofnar geymist lyfið í 4 vikur við stofuhita. Lyfið skal geyma í uppréttri stöðu og það má hvorki frjósa né hrista.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Ekki hætta notkun lyfsins nema í samráði við lækni.

Stakir skammtar sem eru litlu stærri en venjulega ættu ekki að skapa vanda. Vitað er að ógleði, uppköst, roði og sljóleiki eru skammtaháð þegar lyfið er gefið utan meltingarvegar. Ef stórir skammtar eru teknir eða vart verður við einhver óvenjuleg einkenni skal strax hafa samband við lækni. Meðferð er við einkennum.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.