Lyfjabókin

Metronidazol Actavis

Metrónídazól er sýkladrepandi lyf. Það verkar á margar tegundir baktería og sníkjudýra sem geta valdið sýkingum í kynfærum, meltingarvegi, loftvegum, munni og beinum. Ólíkt mörgum sýklalyfjum berst metrónídazól í miðtaugakerfið og gagnast því við bakteríusýkingum þar. Það er líka notað útvortis við sýkingum í húð, og í sumum tilfellum til að fyrirbyggja sýkingar vegna aðgerða. Lyfið þolist almennt vel, aukaverkanir þess eru mjög sjaldan það alvarlegar að hætta þurfi meðferð með lyfinu.

Útvortis krem, töflur til inntöku og innrennslislyf í æð.

Töflur, fullorðnir: 750-6000 mg á dag. Börn: 7 mg á hvert kg líkamsþyngdar í senn 3svar á dag. Töflurnar takist með mat. Krem: Borið á í þunnu lagi 1-2svar á dag. Innrennslislyfið er eingöngu notað á sjúkrahúsum.

Misjafnt eftir því hvar sýkingin er, hvaða lyfjaform er notað og hversu næmir sýklarnir eru fyrir lyfinu.

6-12 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Notaðu lyfið eins lengi og læknir segir fyrir um. Hætti lyfjanotkun of snemma aukast líkur á því að sýkingin nái sér aftur á strik.

Stakir skammtar sem eru litlu stærri en venjulega ættu ekki að skapa vanda. Ef stórir skammtar eru teknir eða ef vart verður við einhver óvenjuleg einkenni, t.d. náladofa eða uppköst, skaltu hafa samband við lækni.

Metrónídazól er sjaldnast notað lengur en í 10 daga í senn.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.