Lyfjabókin

Lanoxin

Lanoxin er hjartalyf. Virka efnið digoxín eykur samdráttarkraft hjartans og hægir á hjartslætti. Digoxín er notað til þess að viðhalda starfsemi hjartans og eðlilegu blóðflæði um líkamann eftir hjartabilun. Áhrif þess eru mest þegar hjartsláttaróregla fylgir hjartabiluninni, þ.e. þegar gáttir hjartans flökta eða hjartsláttur er of hraður. Digoxín er einnig notað við hraðtakti í hjartanu þegar sjúklingar þola ekki önnur lyf sem eru notuð við þessu ástandi. Læknandi skammtar digoxíns eru litlu minni en þeir skammtar sem valda eitrunum og því þarf að gæta sérstakrar varúðar þegar lyfið er notað.

Mixtúra og töflur til inntöku.

Skammtar eru einstaklingsbundnir og háðir aldri, þyngd og nýrnastarfsemi. Fullorðnir og börn eldri en 10 ára: Viðhaldsskammtur er oft 0,125-0,75 mg á dag.

30-120 mín.

Ekki að fullu þekktur.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því ef það er innan 12 klst. Ef fleiri en 12 klst. eru liðnar frá því að taka átti skammtinn skaltu sleppa honum og halda áfram að taka lyfið eins og venjulega. Ekki taka tvo skammta í einu. Hafðu samband við lækni ef lyfið gleymist í tvo eða fleiri daga í röð.

Einkenni sjúkdómsins geta versnað þegar töku lyfsins er hætt. Ekki hætta töku lyfsins nema í samráði við lækni.

Hafðu samband við lækni í öllum tilfellum. Ef vart verður við hjartsláttarónot, máttleysi, brjóstverk eða skerta meðvitund skal leita neyðarhjálpar þegar í stað.

Án vandkvæða. Æskilegt er að fylgst sé reglulega með þéttni digoxíns og salta í blóði.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.