Lyfjabókin

Kóvar

Warfarín, virka efnið í Kóvar, hefur blóðþynnandi áhrif. Blóðstorknun er flókið ferli sem fer af stað þegar blóð kemst í snertingu við annað yfirborð en æðaveggi. Ef hætta er á óeðlilegri blóðstorknun og myndun blóðtappa, t.d. eftir aðgerðir, þarf að nota blóðþynnandi lyf. Ef blóðtappi myndast og stíflar slagæð, kemur fram blóðþurrð og jafnvel drep í þeim vefjum sem æðin liggur til. Ef blóðtappi stíflar bláæð, myndast bjúgur og bólga í þeim vefjum sem æðin liggur frá. Blóðstorknun verður fyrir tilstilli svokallaðra storkuþátta. Storkuþættir í blóði eru margir og rétt samspil þeirra á milli er nauðsynlegt til þess að blóð storkni eðlilega. Warfarín hemur áhrif K-vítamíns, sem er nauðsynlegt fyrir myndun margra storkuþátta í lifur. Þeir storkuþættir sem eru háðir K-vítamíni verða því óvirkir þegar warfarín er til staðar. Mikilvægt er að taka rétta skammta af lyfinu þar sem það getur valdið blæðingum í ofskömmtum. Mælingar á storknunarhraða blóðs eru því gerðar reglulega og skammtar stilltir af miðað við niðurstöður þeirra.

Töflur til inntöku.

Skammtar eru einstaklingsbundnir og stilltir af eftir mælingum. Skammtar liggja oftast á bilinu 0,5-12 mg á dag. Dagskammtur er tekinn inn í einu lagi, helst alltaf á sama tíma dags.

Áhrif á storknunarhraða: 24-72 klst. Áhrif á blóðtappa: 6 dagar.

4-5 dagar eftir stöðuga töku lyfsins.

Engin. Rétt er þó að breyta ekki mikið neyslu á fæðu sem er innihaldsrík af K-vítamín eins og spínati, káli og lifur.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Aukin hætta er á blóðtappamyndun þegar töku lyfsins er hætt. Ekki hætta töku lyfsins nema í samráði við lækni.

Hafðu samband við lækni í öllum tilfellum. Ef blæðingar sjást, t.d. undir húð, eða ef meðvitund skerðist skal leita neyðarhjálpar þegar í stað.

Án vandkvæða. Storknunarhraði blóðs er mældur reglulega og skammtar stilltir af miðað við niðurstöðu mælinganna.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.