Lyfjabókin

Kåvepenin

Fenoxýmetýlpenicillín er sýklalyf sem tilheyrir flokki pensilínlyfja. Það hefur áhrif á margar tegundir baktería sem valda sýkingum, t.d. í öndunarfærum, eyrum og munni, en ónæmi baktería fyrir lyfinu fer vaxandi. Lyfið er einnig notað til þess að fyrirbyggja sýkingar, eins og hjá sjúklingum sem hafa fengið gigtsótt og fyrir tanndrátt hjá sjúklingum með gerviloku í hjarta. Fenoxýmetýlpenicillín þolist yfirleitt vel. Það getur þó, eins og önnur pensilínlyf, valdið miklum ofnæmisviðbrögðum. Einkenni á borð við hita, bólgna tungu eða háls og öndunarerfiðleika þýða yfirleitt að viðkomandi hafi ofnæmi fyrir öllum pensilínsamböndum.

Töflur og mixtúra til inntöku.

Fullorðnir: 800-2000 mg í senn 2svar á dag. Börn: 12,5-25 mg á hvert kg líkamsþyngdar í senn 2-3svar á dag. Lyfið takist inn á fastandi maga, 1 klst. fyrir eða 2 klst. eftir máltíð. Mixtúran hristist fyrir notkun.

Misjafnt eftir því hvar sýking er og hversu næmir sýklarnir eru fyrir lyfinu. Eftir inntöku nær lyfið hámarksþéttni á 30-60 mín.

Misjafn eftir því hversu næmir sýklarnir eru fyrir lyfinu.

Engin.

Geymist í lokuðum umbúðum þar sem börn hvorki ná til né sjá. Uppleyst mixtúra geymist í 2 vikur í kæli.

Taktu lyfið um leið og þú manst eftir því. Taktu síðan það sem eftir er af dagsskammtinum með reglulegu millibili. Ekki taka tvo skammta í einu.

Taktu lyfið svo lengi sem læknir segir til um eða ljúktu við þann skammt sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur á strik og bakteríur myndi ónæmi fyrir lyfinu.

Stakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.

Fenoxýmetýlpenicillín er venjulega gefið í skamman tíma í senn. Aukin hætta á sýkingum af völdum sveppa eða baktería sem eru ónæmar fyrir lyfinu getur fylgt langtímanotkun.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.