Lyfjaform:
Töflur til inntöku og stungulyf í æð eða vöðva.
Langvinn geðveiki: 2-10 mg á dag en skömmtun er mjög einstaklingsbundin, allt að 100 mg á dag. Ógleði og uppköst: 0,5 mg í senn 2svar á dag. Minni háttar geðkvillar: 0,5-1 mg í senn 2svar á dag. Börn eldri en 5 ára. ½ af skammti fullorðinna. Börn yngri en 5 ára: ¼ af skammti fullorðinna. Stungulyfið er eingöngu notað á sjúkrahúsum.
20-30 mín. eftir notkun stungulyfs, lengur en 1 klst. ef lyfið er tekið inn.
6-24 klst. eftir inntöku, forðalyf getur haft verkun í allt að 4 vikur.
Engin.
Geymist í lokuðum umbúðum við stofuhita þar sem börn hvorki ná til né sjá.
Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Sjúkdómseinkenni geta aftur komið fram ef töku lyfsins er hætt. Ekki hætta töku lyfsins nema í samráði við lækni.
Stakir skammtar sem eru litlu stærri en venjulega ættu ekki að valda óþægindum. Ef teknir eru stórir skammtar eða vart verður við einkenni eins og sljóleika, slappleika eða stífleika í vöðvum skal hafa samband við lækni.
Notkun til lengri tíma en í nokkra mánuði getur leitt til síðkominna hreyfitruflana (tardive dyskinesia). Þær koma fram sem ósjálfráðar hreyfingar, oftast í andlitsvöðvum. Líkurnar aukast eftir því sem lyfið er notað lengur. Þessar aukaverkanir geta orðið óafturkræfar, en í flestum tilfellum ganga þær til baka á nokkrum mánuðum eftir að lyfjagjöf er hætt. Yngri sjúklingar fá síður þessar aukaverkanir og þær ganga frekar til baka hjá þeim eftir að lyfjagjöf lýkur.