Lyfjabókin

Fungoral

Fungoral, sem inniheldur virka efnið ketókónazól, er sveppahemjandi lyf. Það raskar starfsemi í frumum sveppa og hindrar vöxt þeirra. Lyfið hefur áhrif á margar sveppategundir sem algengt er að valdi sýkingum og það er hægt að nota útvortis eða til inntöku. Hársápa er ætluð við flösu og flösuhúðbólgu en hún dregur úr kláða og flögun. Við alvarlegri eða innvortis sýkingum er lyfið tekið inn. Ónæmi sveppa fyrir lyfinu hefur sést í stöku tilfellum og hætta á ónæmismyndun er meiri eftir því sem lyfið er notað lengur. Ketókónazól hefur töluverð áhrif á niðurbrot margra lyfja í lifur. Milliverkanir eru því nokkuð margar og ástæða er til að athuga þær vel ef önnur lyf eru tekin samtímis.

Töflur til inntöku og útvortis sápa.

Töflur, fullorðnir: 200-400 mg á dag. Töflurnar takist með mat. Sápan er notuð 1-2svar í viku í 2-4 vikur, síðan eftir þörfum. Sápan er látin liggja í hárinu í 3-5 mín. áður en hún er skoluð úr.

Lyfið byrjar að virka innan nokkurra klst. en misjafnt er hvenær áhrifin koma fram, eða eftir því hvaða sveppategund veldur sýkingu, hvar sýkingin er og hvaða lyfjaform er notað.

Um 24 klst. eftir inntöku.

Engin.

Geymist í lokuðum umbúðum við stofuhita þar sem börn hvorki ná til né sjá.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Notaðu lyfið svo lengi sem læknir segir fyrir um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur upp.

Stakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við óvenjuleg einkenni skal hafa samband við lækni.

Ketókónazól getur skert lifrarstarfsemi ef það er tekið inn í langan tíma. Ef þörf er á langtímameðferð er æskilegt að fylgst sé reglulega með lifrarstarfsemi.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.