Lyfjabókin

Flagyl

Metrónídazól er sýkladrepandi lyf. Það verkar á margar tegundir baktería og sníkjudýra sem geta valdið sýkingum í kynfærum, meltingarvegi, loftvegum, munni og beinum. Ólíkt mörgum sýklalyfjum berst metrónídazól í miðtaugakerfið og gagnast því við bakteríusýkingum þar. Það er líka notað útvortis við sýkingum í húð, og í sumum tilfellum að fyrirbyggja sýkingar vegna aðgerða. Lyfið er einnig notað við Crohns sjúkdómi. Flagyl þolist almennt vel, aukaverkanir þess verða mjög sjaldan það alvarlegar að hætta þurfi meðferð með því.

Töflur til inntöku, skeiðarstílar og innrennslislyf í æð.

Skammtar eru háðir gerð sýkingar. Skeiðarstílar: 500 mg á dag í 6 daga. Töflur: 400-2400 mg á dag. Börn: 15-50 mg á hvert kg líkamsþyngdar á sólarhring. Töflurnar takist með vatnsglasi. Má ekki mylja þær. Innrennslislyfið er eingöngu notað á sjúkrahúsum.

Misjafnt eftir því hvar sýkingin er, hvaða lyfjaform er notað og hversu næmir sýklarnir eru fyrir lyfinu.

6-12 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Notaðu lyfið eins lengi og læknir segir fyrir um. Hætti lyfjanotkun of snemma aukast líkur á því að sýkingin nái sér aftur á strik.

Stakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við einhver óvenjuleg einkenni, t.d. náladofa eða uppköst, skal hafa samband við lækni.

Metrónídazól er sjaldnast notað lengur en 10 daga í senn.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.