Lyfjabókin

Finacea

Finacea er notað útvortis við þrymlabólum (acne vulgaris) og rósroða (rosacea). Virka efnið azelainsýra hefur áhrif á starfsemi húðfrumna í ysta lagi húðarinnar, það hægir á fjölgun þeirra og minnkar fituframleiðslu. Auk þess drepur lyfið bakteríur. Helsti kostur azelainsýru fram yfir önnur lyf við þrymlabólum er sá hvað hún veldur fáum aukaverkunum. Rósroði líkist bólóttri húð unglinga en leggst á fullorðið fólk. Það er ekki vitað með vissu hvernig lyfið virkar á rósroða en talið er að það hafi með bólgueyðandi áhrif lyfsins að gera.

Útvortis hlaup.

Hlaupið er borið á hreina og þurra húð í þunnu lagi 2svar á dag.

Þrymlabólur: Innan 4ra vikna. Rósroði: 4-8 vikur.

Ekki að fullu þekktur.

Engin.

Geymist í lokuðum umbúðum við stofuhita þar sem börn hvorki ná til né sjá.

Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Hætta má notkun lyfsins þegar einkennin eru horfin en hafa ber í huga að fullur árangur næst stundum ekki fyrr en eftir nokkurra mánaða meðferð.

Lítil hætta er á öðrum einkennum en staðbundinni ertingu undan hlaupinu.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.