Lyfjabókin

Engerix-B

Lifrarbólga B er veirusýking sem um 5% Íslendinga hafa sýkst af. Í flestum tilfellum lagast sjúkdómurinn af sjálfu sér en í einstaka tilfellum getur sjúkdómurinn valdið alvarlegum fylgikvillum eins og viðvarandi lifrarbólgu, skorpulifur og lifrarkrabbameini. Helstu smitleiðir lifrarbólgu B veirunnar eru við kynmök, með sýktum nálum, barn getur sýkst við fæðingu ef móðir er sýkt svo og við blóðgjöf en hverfandi líkur eru á því hér á landi þar sem allt blóð sem gefið er, er skimað fyrir lifrarbólgu B. Engerix-B er svokallað dautt bóluefni sem inniheldur ákveðna hluta af dauðri lifrarbólgu B veiru sem eiga að örva líkamann til þess að mynda vörn gegn veirunni án þess að fólk veikist.

Stungulyf í vöðva eða undir húð í undantekningartilfellum.

Börn 15 ára og yngri: 0,5 ml skammtar gefnir 3svar sinnum. Einstaklingar 16 ára og eldri: 1 ml skammtar gefnir 3svar sinnum. Annar skammtur er vanalega gefinn 1 mánuði eftir upphafsskammt. Þriðji skammturinn er gefinn 6 mánuðum eftir upphafsskammt. Hraðáætlun, einstaklingar 16 ára og eldri: Þrír skammtar með mánaðar millibili. Fjórða skammtinn má gefa 12 mánuðum eftir upphafsskammt til þess að fá lengri vörn.

2-4 vikur eftir einn skammt af bóluefninu.

Ekki er vitað með vissu hversu lengi bóluefnið virkar en talið er að það dugi í a.m.k. 10 ár.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef seinni skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.

Ekki er talið æskilegt að hætta gjöf lyfsins fyrr en allir skammtarnir hafa verið gefnir þar sem líkur eru á að ekki hafi myndast nægilegt magn af mótefni.

Á ekki við.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.