Lyfjabókin

Dostinex

Kabergólín, virka efnið í Dostinex, líkist taugaboðefninu dópamíni og hefur að hluta til sömu áhrif og það. Dópamín og kabergólín hamla framleiðslu prólaktíns, hormóns sem örvar mjólkurmyndun í brjóstum. Kabergólín er því notað við of mikilli mjólkurmyndun hjá konum eftir fæðingu. Líka við ófrjósemi sem stafar af of miklu magni prólaktíns í blóði. Kabergólín er einnig notað fyrir sjúklinga með æxli í heiladingli ef æxlið veldur offramleiðslu vaxtar- eða mjólkurhormóna. Kabergólín verkar í lengri tíma en önnur lyf sem eru notuð í sama tilgangi og virðist þolast betur í sumum tilfellum.

Töflur til inntöku.

Til að draga úr mjólkurmyndun eftir fæðingu: 1 mg í einum skammti innan sólarhrings frá fæðingu; til að stöðva mjólkurmyndun: 0,25 mg í senn 2svar á dag í 2 daga; við of mikilli mjólkurmyndun: 0,5-1 mg á viku, skipt í 1-2 skammta. Stærri skammtar eru þó stundum notaðir. Töflurnar takist inn með mat.

Dregið úr of mikilli mjólkurmyndun: 3 klst. (tíðablæðingar hefjast eftir um 1 mánuð).

1-2 vikur.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Ef lyfið er tekið að staðaldri skaltu ekki hætta töku þess nema í samráði við lækni.

Stakir skammtar sem eru litlu stærri en venjulega ættu ekki að valda óþægindum. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni

Tíðni aukaverkana eykst þegar lyfið er notað í lengri tíma.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.