Lyfjabókin

Diftavax

Stífkrampi og barnaveiki eru sjúkdómar sem orsakaðir eru af bakteríum. Bakterían sem veldur stífkrampa finnst víða í náttúrunni, t.d. í jarðvegi og húsdýraskít. Því er auðvelt að smitast af henni ef bakterían kemst í opið sár. Bakterían framleiðir eitur sem veldur því að vöðvar herpast saman og stífna og getur þetta ástand valdið dauða ef ekkert er aðhafst. Bakterían sem veldur barnaveiki framleiðir eitur sem getur verið skaðlegt vefjum líkamans, eins og t.d. hjartavöðva og getur þar af leiðandi valdið dauða. Diftavax er unnið úr veikluðum eiturefnum þessara baktería og er það notað til bólusetningar hjá fullorðnum.

Stungulyf í vöðva eða djúpt undir húð.

Upphafsbólusetning: 2 skammtar eru gefnir með minnst 4ra vikna millibili. Þriðji skammturinn er gefinn 6-12 mánuðum seinna. Örvunarskammtur: Einn skammtur gefinn 5 árum eftir upphafsbólusetningu og síðan á 10 ára fresti. Eftir sár: Einn skammtur gefinn eins fljótt og auðið er.

Full verkun næst eftir að aðra sprautu.

U.þ.b. 10 ár.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef seinni skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.

Ekki er talið æskilegt að hætta gjöf lyfsins fyrr en allir skammtar hafa verið gefnir þar sem líkur eru á að ekki hafi myndast nægilegt magn af mótefni.

Á ekki við.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.