Lyfjabókin

DiTeKik (afskráð jan. 2012)

Stífkrampi, barnaveiki og kíghósti eru sjúkdómar sem orsakaðir eru af bakteríum. Bakterían sem veldur stífkrampa finnst víða í náttúrunni, t.d. í jarðvegi og húsdýraskít. Því er auðvelt að smitast af henni ef bakterían kemst í opið sár. Bakterían framleiðir eitur sem veldur því að vöðvar herpast saman og stífna og getur þetta ástand valdið dauða ef ekkert er aðhafst. Bakterían sem veldur barnaveiki framleiðir eitur sem getur verið skaðlegt vefjum líkamans, eins og t.d. hjartavöðva og getur þar af leiðandi valdið dauða. Bakterían sem orsakar kíghósta berst manna á milli með úðasmiti. Kíghósti getur verið erfiður og langdreginn og jafnvel lífshættulegur fyrir ungbörn. DiTeKik er unnið úr veikluðum og hreinsuðum eiturefnum þessara baktería.

Stungulyf í vöðva. Í einstaka tilfellum má gefa lyfið djúpt undir húð.

Einn skammtur gefin 2-3svar sinnum með 1-2ja mánaða millibili samkvæmt bólusetningaráætlun hverju sinni. Frumbólusetning hefst í fyrsta lagi við 2ja mánaða aldur.

Vörn gegn barnaveiki og stífkrampa fæst 1-2 vikum eftir aðra bólusetingu. Engar upplýsingar eru til um hvenær full vörn gegn kíghósta fæst.

Vörn dugar í u.þ.b. 10 ár gegn barnaveiki og stífkrampa, ekki er vitað hversu lengi vörnin dugar gegna kíghósta.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef seinni skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.

Ekki er talið æskilegt að hætta gjöf lyfsins fyrr en allir skammtar hafa verið gefnir þar sem líkur eru á að ekki hafi myndast nægilegt magn af mótefni.

Á ekki við.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.