Lyfjabókin

Byetta

Byetta inniheldur virka efnið exenatíð og er við sykursýki. Sykursýki stafar af skorti á insúlíni (tegund I, eða insúlínháð sykursýki) eða minnkuðum áhrifum þess (tegund II, eða insúlínóháð sykursýki). Insúlín er hormón sem myndast í briskirtli og þarf að vera til staðar í líkamanum til þess að sykur í blóði komist inn í frumur þar sem hann nýtist sem orkugjafi. Exenatíð er notað við sykursýki af tegund II og er það notað með öðrum sykursýkilyfjum eins og metformín (Glucophage) og/eða súlfónýlúrea lyfjum (lyf sem innihalda virku efnin glípízíð, glíklazíð, glímepíríð og glíbenklamíð) þegar ekki hefur náðst nægilega góð stjórnun á blóðsykrinum þegar þessi lyf voru notuð. Verkunarmáti exenatíð er fernskonar: að örva losun insúlíns frá briskirtli, bindast við ákveðið peptíð sem hefur ýmis áhrif á blóðsykurhækkun, bæla óæskilega seytingu glúkons sem leiðir til minni útskilnaðs á glúkósa frá lifur og að hægja á magatæmingu sem veldur því að glúkósi í fæðunni skilar sér hægar í blóðrásina og lækkar þannig blóðsykurinn.

Stungulyf undir húð.

1 skammtur 2svar á dag. Hver skammtur inniheldur 5 eða 10 míkrógrömm af exenatíði. Gefa þarf lyfið innan 60 mín. fyrir kvöld- og morgunmat eða fyrir tvær aðalmáltíðir dagsins. Lyfið á ekki að gefa eftir máltíð.

Áhrif lyfsins koma fljótt fram.

A.m.k. 12 klst.

Breytt mataræði og minnkuð sykurneysla er hluti af meðferð.

Geymist í lokuðum umbúðum, varið ljósi og á köldum stað (2-8°C) þar sem börn hvorki ná til né sjá. Lyfjapenni í notkun geymist í 30 daga við lægra hitastig en 25°C. Lyfið má ekki frjósa.

Slepptu þeim skammti sem gleymdist og haltu áfram að taka lyfið eins og venjulega. Ekki taka tvo skammta í einu.

Sykursýki getur versnað þegar töku lyfsins er hætt. Ekki hætta töku lyfsins nema í samráði við lækni.

Hafðu samband við lækni í öllum tilfellum. Einkenni um lágan blóðsykur eru aukin svitamyndun, hungurtilfinning, hraður hjartsláttur, sjóntruflanir, sljóleiki, rugl, höfuðverkur, kuldatilfinning eða uppköst. Ef sjúklingur missir meðvitund skal leita neyðarhjálpar þegar í stað.

Takmörkuð reynsla er af langtímanotkun lyfsins. Vegna sykursýkinnar er æskilegt að fylgjast reglulega með sykri í blóði eða þvagi. Einnig getur þurft að fylgjast með sjón og lifrar-, nýrna- og hjartastarfsemi.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.