Lyfjabókin

Bricanyl

Bricanyl er skjótvirkt astmalyf sem er notað við astma og lungnasjúkdómum með berkjuþrengingum. Terbútalín, virka efni lyfsins, veldur vöðvaslökun í lungnaberkjum, víkkar með því öndunarveginn og auðveldar öndun. Lyfið slær fljótt á einkenni astma en það hefur ekki áhrif á sjálfan sjúkdóminn. Áhrif terbútalíns eru því tiltölulega skammvinn. Ef lyfið er notað á undan bólgueyðandi astmalyfjum við slæmum astma komast síðarnefndu lyfin betur í lungun og hafa meiri áhrif.

Mixtúra til inntöku og stungulyf undir húð.

Stungulyf, fullorðnir: 0,5-4 ml á dag. Börn: 5 míkrógrömm á hvert kg líkamsþyngdar í senn mest 4 sinnum á dag. Mixtúra, fullorðnir: 10-15 ml (0,3 mg/ml) í senn 3svar á dag. Börn: 0,25 ml (75 míkrógrömm) á hvert kg líkamsþyngdar í senn 3svar á dag.

Verkun kemur fram á nokkrum mínútum.

4-6 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Slepptu skammtinum sem gleymdist og haltu áfram að nota lyfið eins og venjulega.

Ekki hætta notkun lyfsins nema í samráði við lækni.

Stakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.

Æskilegt er að læknir fylgist reglulega með árangri meðferðarinnar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.