Lyfjabókin

Boostrix Polio

Bakterían sem veldur stífkrampa finnst víða í náttúrunni, t.d. í jarðvegi og húsdýraskít. Því er auðvelt að smitast af henni ef bakterían kemst í opið sár. Bakterían framleiðir eitur sem veldur því að vöðvar herpast saman og stífna og getur þetta ástand valdið dauða ef ekkert er aðhafst. Bakterían sem veldur barnaveiki framleiðir eitur sem getur verið skaðlegt vefjum líkamans, eins og t.d. hjartavöðva og getur þar af leiðandi valdið dauða. Bakterían sem orsakar kíghósta berst manna á milli með úðasmiti. Kíghósti getur verið erfiður og langdreginn og jafnvel lífshættulegur fyrir ungbörn. Mænusótt eða lömunarveiki eru sjúkdómur sem orsakaður er af veiru. Í flestum tilfellum eru einkenni sjúkdómsins væg en í sumum tilfellum getur hann orsakað lömun sem getur leitt til dauða. Helstu smitleiðir veirunnar eru með saurmengun, fæðu og vökva og jafnvel úðasmiti. Boostrix vekur upp mótefnasvörun í líkamanum án þess að fólk veikist af þessum sjúkdómum og veitir þannig vörn gegn þeim.

Stungulyf í vöðva.

Einn skammtur gefinn einu sinni samkvæmt bólusetningaráætlun hverju sinni.

Vörn fæst strax þar sem lyfið er eingöngu gefið til þess að örva fyrri bólusetningar gegn barnaveiki, stífkrampa, kíghósta og mænusótt.

Við barnaveiki, stífkrampa og mænusótt dugar bólusetningin í u.þ.b. 10 ár. Ekki er vitað í hversu langan tíma vörn gegn kíghósta varir.

Engin.

Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa. Nota þarf hettuglasið innan 8 klst. frá því að umbúðir hafa verið rofnar.

Ef skammtur gleymist ber að gefa skammtinn um leið og munað er eftir því þar sem möguleiki er að magn af mótefnum í líkamanum sé ekki nægilegt.

Á ekki við þar sem lyfið er bara gefið einu sinni.

Á ekki við.

Lyfið er ekki ætlað til langtímanotkunar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.