Lyfjabókin

Bonviva

Beinþynning er sjúkdómur sem lýsir sér í aukinni hættu á beinbrotum. Líkaminn er stöðugt að eyða gömlum beinvef og mynda nýjan og ríkir jafnvægi þar á milli ef allt er eðlilegt. Við beinþynningu þá raskast þetta jafnvægi og beintap verður meira en nýmyndunin. Beinin verða því þynnri og brothættari fyrir vikið. Konur eftir tíðahvörf eru í meiri hættu að fá beinþynningu en aðrir og er hægt að draga úr hættunni með kvenhormónagjöf. Heilsusamlegt líferni, næg kalk- og D-vítamíntaka og hreyfing eru einnig allt þættir sem minnka líkur á beinþynningu. Beinþynning liggur í ættum en getur líka m.a. tengst illkynja sjúkdómum og verið aukaverkun sumra lyfja. Margir sem eru með beinþynningu hafa engin einkenni og því er hún oft ekki greind fyrr en kemur að fyrsta beinbroti. Mestar líkur á beinbrotum eru í hrygg, mjöðmum og framhandlegg. Íbandrónat, virka efnið í Bonviva, tilheyrir flokki lyfja er nefnist bífosfónöt. Lyfið kemur í veg fyrir beintap og stuðlar einnig að uppbyggingu beina. Bonviva er ætlað konum eftir tíðahvörf til að draga úr hættu á samfallsbrotum í hrygg. Einn af kostum lyfsins er sá að lyfið er aðeins tekið inn einu sinni í hverjum mánuði.

Töflur til inntöku og stungulyf í bláæð.

Töflur: 150 mg einu sinni í mánuði, að morgni, helst alltaf á sömu dagsetningu hvers mánaðar. Töflurnar gleypist heilar með fullu glasi af venjulegu vatni. Má hvorki sjúga þær né tyggja. Það á að vera í uppréttri stöðu meðan verið er að taka töfluna og í 60 mín. eftir inntöku. Stungulyf: 3 mg á 3ja mán. fresti.

Lyfið byrjar strax að verka.

Ekki að fullu þekktur.

Mælt er með töku kalks og D-vítamíns samhliða lyfjagjöfinni nema tryggt sé að nægjanlegt magn af þessum efnum fáist úr fæðunni.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið næsta morgun eftir að þú manst eftir því séu fleiri en 7 dagar til næsta skammts. Séu færri en 7 dagar til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Ekki hætta töku lyfsins nema í samráði við lækni.

Drekka skal fullt glas af mjólk og hafa strax samband við lækninn sem ávísaði lyfinu.

Án vandkvæða.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.