Lyfjabókin

Bondronat

Beinþynning er sjúkdómur sem lýsir sér í aukinni hættu á beinbrotum. Líkaminn er stöðugt að eyða gömlum beinvef og mynda nýjan og ríkir jafnvægi þar á milli ef allt er eðlilegt. Við beinþynningu þá raskast þetta jafnvægi og beintap verður meira en nýmyndunin. Beinin verða því þynnri og brothættari fyrir vikið. Konur eftir tíðahvörf eru í meiri hættu að fá beinþynningu en aðrir og er hægt að draga úr hættunni með kvenhormónagjöf. Heilsusamlegt líferni, næg kalk- og D-vítamíntaka og hreyfing eru einnig allt þættir sem minnka líkur á beinþynningu. Beinþynning liggur í ættum en getur líka m.a. tengst illkynja sjúkdómum og verið aukaverkun sumra lyfja. Margir sem eru með beinþynningu hafa engin einkenni og því er hún oft ekki greind fyrr en kemur að fyrsta beinbroti. Mestar líkur á beinbrotum eru í hrygg, mjöðmum og framhandlegg. Íbandrónat, virka efnið í Bondronat, tilheyrir flokki lyfja er nefnist bífosfónöt. Brjóstakrabbamein getur dreift sér í bein (myndað meinvörp) og veldur því að niðurbrot beinvefs verður þá meiri en uppbyggingin. Lyfið hamlar niðurbroti beina sem verður vegna meinvarpanna og minnkar þar með hættu á beineyðingu þeirra vegna og þar með hættuna á beinbrotum.

Töflur til inntöku og innrennslisvökvi.

50 mg á dag. Töflurnar gleypist heilar með fullu glasi af venjulegu vatni. Má hvorki sjúga þær né tyggja. Það á að vera í uppréttri stöðu meðan verið er að taka töfluna og í 60 mín. eftir inntöku. Innrennslisvökvinn er eingöngu notaður á sjúkrahúsum.

Lyfið byrjar strax að verka.

Ekki að fullu þekktur.

Mælt er með töku kalks og D-vítamíns samhliða lyfjagjöfinni nema tryggt sé að nægjanlegt magn af þessum efnum fáist úr fæðunni.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Ekki hætta töku lyfsins nema í samráði við lækni.

Drekka skal fullt glas af mjólk og hafa strax samband við lækninn sem ávísaði lyfinu.

Fylgjast þarf reglulega með nýrnastarfsemi sem og styrk kalsíums, fosfats og magnesíum í sermi.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.