Lyfjabókin

Bambec

Bambúteról er forlyf terbútalíns sem örvar beta₂-viðtæki og veldur þar með slökun á sléttum vöðvum í berkjum, hömlun á losun innrænna efna sem valda berkjusamdrætti, hömlun á bjúgi af völdum innrænna boðefna og aukinni bifhárahreinsun. Bambec er ætlað til viðhaldsmeðferðar við astma, langvinnri berkjubólgu, lungnaþembu og öðrum lungnasjúkdómum sem valda berkjuþrengingu.

Töflur til inntöku.

Fullorðnir og börn eldri en 6 ára: 10-20 mg á dag. Börn 2-5 ára: 10 mg á dag. Töflurnar gleypist heilar eða hálfar með vatnsglasi.

Hámarks blóðþéttni eftir einn skammt næst venjulega innan 2-6 klst.

Áhrif vara í a.m.k. 24 klst. Stöðug þéttni í blóði næst eftir 4-5 daga meðferð.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Ekki hætta töku lyfsins nema í samráði við lækni.

Engin tilvik ofskömmtunar eru þekkt. Við ofskömmtun þarf að leita læknis.

Æskilegt er að læknir fylgist reglulega með árangri meðferðarinnar.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.