Lyfjabókin

Asmanex Twisthaler

Asmanex Twisthaler er notað sem regluleg meðferð við stöðugum astma. Lyfið inniheldur virka efnið mómetasón sem er barksteri með staðbundna bólgueyðandi eiginleika en skammtarnir sem notaðir eru hafa ekki almenna steraverkun. Mómetasón hindar losun efna sem leysa úr læðingi ofnæmis- og bólguvaldandi efni og er það talin ástæða þess að það hafi áhrif gegn ofnæmi og bólgu. Lyfið er ekki ætlað til notkunar eftir þörfum heldur ber að nota það reglulega til að viðhalda árangrinum. Þetta á einnig við þótt viðkomandi sé einkennalaus.

Innöndunarduft.

200-800 míkrógrömm á dag í 1-2 skömmtum. Ráðlagður skammtur fer eftir því hversu alvarlegur astminn er. Skola skal munninn með vatni eftir notkun.

Hámarksárangur næst yfirleitt eftir 1-2 vikur eða lengri tíma.

12-24 klst.

Engin.

Geymist í lokuðum umbúðum við stofuhita þar sem börn hvorki ná til né sjá. Lyfið má ekki geyma í kæli né frjósa. Geymsluþol er 3 mánuðir eftir að pakkningin hefur verið rofin.

Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega.

Ekki hætta notkun lyfsins nema í samráði við lækni. Ef astmalyf hefur verið notað í stórum skömmtum eða í langan tíma þarf að minnka skammta smám saman áður en notkun þess er hætt.

Stakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.

Án vandkvæða en þegar einkenni haldast niðri skal notast við lægsta virka skammt af lyfinu.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.