Lyfjabókin

Alprazolam Mylan

Alprazolam Mylan, sem inniheldur virka efnið alprazólam, tilheyrir flokki lyfja sem kallast benzódíazepín. Lyf í þessum flokki hafa öll sama verkunarmáta, þau auka áhrif hamlandi taugaboðefnis (GABA) á vissum stöðum í heila. Þau hafa öll róandi, kvíðastillandi, krampastillandi og vöðvaslakandi áhrif. Munur á benzódíazepínlyfjum felst í því hversu sérhæfð þau eru og langur verkunartími þeirra er. Alprazólam virðist vera meira kvíðastillandi en önnur benzódíazepín. Það slær fljótt á kvíða og veldur að öllu jöfnu ekki sljóleika. Þol myndast yfirleitt við róandi áhrifum lyfsins en síður við kvíðastillandi áhrifum þess. Alprazólam raskar að einhverju leyti eðlilegu svefnmynstri á þá leið að draumsvefn minnkar hlutfallslega. Þetta er skammtaháð, röskunin verður meiri eftir því sem teknir eru stærri skammtar. Lyfið er notað vð flemtursröskun, með eða án víðáttufælni, kvíða, eirðarleysi og spennu.

Töflur til inntöku.

Skammtar eru einstaklingsbundnir. 0,25-2 mg í senn allt að 3-4 sinnum á dag.

Áhrif á kvíða: 1-1½ klst.

Misjafn eftir einstaklingum.

Engin.

Geymist í lokuðum umbúðum við stofuhita þar sem börn hvorki ná til né sjá.

Ef lyfið er tekið reglulega: Taktu lyfið ef færri en 1 klst. líður frá því að taka átti skammtinn. Annars skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Hætta má töku lyfsins þegar einkenni eru ekki lengur til staðar. Ef lyfið hefur verið tekið í langan tíma á ekki að hætta töku þess nema í samráði við lækni. Skammta skal minnka smám saman.

Stakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.

Alprazólam hentar ekki til langtímanotkunar. Lyfið er vanabindandi og fráhvarfseinkenni geta komið fram þegar notkun þess er hætt eftir langan tíma.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.