Lyfjabókin

Abilify

Abilify inniheldur virka efnið aripíprasól og er notað við geðklofa, við oflæti hjá sjúklingum með geðhvarfasýki og fyrirbyggjandi við oflætiskasti. Geðklofi er jafn tíður hjá konum og körlum, en kemur þó að jafnaði fyrr fram hjá körlum, venjulega seint á táningsaldri eða snemma á tvítugsaldri. Hjá konum koma einkennin venjulega fram nokkrum árum seinna. Sjúklingar heyra raddir, sjá ofsjónir, fyllast ranghugmyndum, tal verður ruglingslegt, sjúklingarnir trúa því að aðrir geti lesið hugsanir þeirra og verða tilfinningalega flatir. Kvíði, spenna og depurð fylgja þessum sjúkdómi einnig. Talið er að einkenni geðklofa stafi að hluta til af ójafnvægi á boðefnunum dópamíni og serótóníni í heila þaðan sem skapferli, hegðun og skynjun er stjórnað. Dópamín og serótónín skiptast í undirflokka og dregur aripíprasól úr virkni sumra þeirra en eykur virkni annarra og hefur þannig jákvæð áhrif á gang sjúkdómsins. Aripíprasól er tiltölulega nýtt lyf. Áhrif þess á boðefnakerfi heilans eru nokkuð frábrugðin áhrifum eldri sefandi lyfja. Sú mikilvægasta er að lyfið veldur síður hreyfitruflunum en eldri lyfin. Aukaverkanir sem þessar fylgja gjarnan notkun sefandi lyfja og takmarka notagildi þeirra. Stungulyfið er gefið þegar þörf er á skjótri verkun.

Töflur, munndreifitöflur og mixtúra til inntöku, stungulyf í vöðva.

Til inntöku: 10-30 mg í senn einu sinni á dag, helst alltaf á sama tíma dags. Töflurnar gleypist heilar með vatnsglasi. Munndreifitöflurnar leysast upp á tungunni eða leystar upp í vatni sem er drukkið. Stungulyf: Ein inndæling í vöðva, má endurtaka 2 klst. síðar, að hámarki 3 inndælingar á sólarhring.

Til inntöku: dagar eða vikur geta liðið þar til merki um bata koma í ljós. Þangað til þarf að fylgjast náið með sjúklingnum.

24-36 klst.

Engin.

Geymist í lokuðum umbúðum við stofuhita þar sem börn hvorki ná til né sjá.

Taktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.

Jafnvel þótt líðan sé betri á hvorki að breyta skammtinum né hætta töku lyfsins nema í samráði við lækni.

Hafðu samband við lækninn sem ávísaði lyfinu.

Merki um síðkomna hreyfitruflun (tardive dyskinesia) getur komið fram við langtímanotkun og þarf hugsanlega að minnka skammta eða hætta meðferð vegna þeirra. Þessi einkenni geta versnað tímabundið eða jafnvel komið í ljós eftir að meðferð er hætt.

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Lyfjastofnunar. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.